Nor gara

Manex Aguirrezabalaga naiz, eta Dirulaguntzak nik bakarrik garatzen eta mantentzen dudan zerbitzua da. Ez dago enpresarik atzean: pertsona bat dago. Helburu bakarra: EAEko eta Nafarroako dirulaguntzarik ez galtzea, ez dakizulako argitaratu denik.

Zergatik

Dirulaguntza-deialdiak bost aldizkari ofizialetan sakabanatuta argitaratzen dira (EHAA/BOPV, BOG, BOB, BOTHA eta BON), hizkera administratiboan eta epe laburrekin. Autonomo, mikroenpresa, elkarte eta partikular askok berandu jakiten dute — edo inoiz ez.

Nola dabil

Egunero, aldizkari ofizialak arakatzen ditut eta deialdi bakoitza sailkatzen dut: nori zuzenduta dagoen (onuraduna), zein sektori eta lurralderi dagokion, eta noiz ixten den epea. Deialdi bakoitzak bere iturri ofizialerako esteka darama beti — ni ez naiz iturria, aldizkariak dira.

Laburpenak hizkuntza-eredu batekin sortzen dira eta euskaraz ematen dira lehenik (jatorrizkoa gaztelaniaz baino ez dagoenean ere). Laburpenak automatikoak dira: balio ofiziala aldizkariko testuak du beti. Datu pertsonalen tratamendua eta analitika: ikus pribatutasun-orria.

Kontaktua

Zalantzak, iradokizunak edo akatsen bat ikusi duzu? Idatzi: esan@dirulaguntzak.eus. Nik erantzuten dut, ez laguntza-txartel batek.